എല്ലാവരും മഴയെക്കുറിച്ചു പറയുമ്പോള്‍ നീ എന്താണൊന്നും മിണ്ടാത്തത്‌

"എല്ലാവരും മഴയെക്കുറിച്ചു പറയുമ്പോള്‍
നീ എന്താണൊന്നും മിണ്ടാത്തത്‌"

മഴയെ ഭയമാണു...
പണ്ടുതൊട്ടേ..

ഓലത്തുളയിലൂടെ പണ്ട്‌
കഞ്ഞിയിലേക്കു ചെള്ളു പൊഴിച്ചിട്ടത്‌ മഴയായിരുന്നു
അമ്മിക്കല്ലില്‍ കണ്ണീരുപ്പു വച്ചരയ്ക്കുമ്പോള്‍
അമ്മയുടെ തലയില്‍ മേല്‍ക്കൂര തള്ളിയിട്ടതും മഴയായിരുന്നു
അമ്മവണ്റ്റെ പുലഭ്യത്തെ അയല്‍ വക്കക്കാരെ
കേള്‍പ്പിക്കാതിരിക്കാന്‍ മഴവന്നിരുന്നില്ല
പാമ്പുകടിച്ച അനിയണ്റ്റെ നിലവിളി
കേള്‍പ്പിക്കാതിരിക്കാന്‍
മഴ അലറിവന്നിരുന്നു
ഒരു കള്ളണ്റ്റെ കത്തിമുനയില്‍
നിന്നോടിരക്ഷപെടുമ്പോള്‍
അച്ഛണ്റ്റെ കൈയില്‍നിന്നു
എണ്റ്റെ നെയ്യപ്പം തട്ടിയെടുത്തതും മഴയായിരുന്നു
മുത്തച്ഛണ്റ്റെ ചിതയെക്കെടുത്തിയതും മഴ

ഒരു മഴയത്താണു
ചെളിക്കുണ്ടിലെ ജന്‍മം പകുക്കാന്‍ വയ്യെന്നു പറഞ്ഞു
പെണ്ണു പടിയിറങ്ങിയതും..
എനിക്കു മഴ വേണ്ട.
തലവെന്തു പൊളിയുന്ന
കടുംവേനലിണ്റ്റെ മരണലഹരി മതി.....